مجموعة من النكت أرجو أن تعجبكوا

واحده اتجوزت نجار
بقت تدلعه: يا لوحي

مرة واحدة بترغى فى التليفون بالساعات فمرة اتكلمت ساعة واحدة بس فجوزها قالها
خلصتى بسرعة لية قالتلة اصل النمرة طلعت غلط

صعيدي : دش ، صعيدي تاني : جهار يك
، الأول : دش و الله ، التاني : لأ , علي الطلاق جهار يك ، صاحب المقهى لصبيه : يووه , واد يا دقدق , شيل الشطرنج من قدامهم يابني

مرة أربعة بلدياتنا راحوا فرح ..ا
لأول:نقط بخمسة جنيه و ضرب طلقة رصاص..الثانى: نقط بعشرة جنيه و ضرب طلقتين
الثالث:- نقط بخمستاشر جنيه و ضرب تلت طلقات..أبوهم الراجل الكبير بقى عايز يعمل منظر راح منقط بـ ميه و رمي قنبلة

مجموعة بلدياتنا عملوا عصابه
و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الجريليه بتاعت التكييف
بعد كده نخش كلنا من فتحة التكييف و نكسر الخزنه و ناخد الفلوس
لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخزنه الخطة فشلت

واحد بلدياتنا دخل جنينة الحيوانات
ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله.

واحد مراته كل ما تسمع صوت وهما نايميين تحسب ان في حرامي و تصحيه فقالها
الحراميه مبيعملوش صوت بقت كل ما ماتسمعش صوت تصحيه

مره واحد أسكندرانى ماشى
على البحر لقى جماعة صعايده بيهتفوا ،هريدى يابطل-- هريدى يا بطل، ولما سأل عن السبب أجابوا: أحسن واحد عندكم يقدر يغطس قد أيه، فقالهم: حوالى ثلاث دقائق، فقالوا هريدى غطس من ثلاث أيام و لسه مطلعش

واحد و هوا بيموت بص
لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا و دلوقتى لسا جنبي مسك ايدها بحنيه و قالها مش عاريف ليه حاسس انك نحس

قزم اتخانق مع مراته زعلت
منه حطت جذمته فوق التلفزيون وخرجت

واحد حسودي على فراش الموت
قال لمراته إذا مت اتجوزى جارنا محمود قلت ليه قال لأنه مره باعلي بضاعة وغشني فيها

واحدة رايحه تخطب لابنها، سألتها ام العروسة
المحروس ابنك بيدخن ؟ قالت ... .والله ما أظنش بس يمكن لما بيكون محشش بس ساعات بيدخن

واحد واقف أمام محل عصير وممعهوش غير 25 قرش قال
أشرب عصير ولا أركب الأوتوبيس؟؟ لو ركبت الأوتوبيس يا هقف يا هقعد، لو وقفت مش مشكلة لو قعدت هقعد جنب راجل أو ست، لو راجل مش مشكلة لو ست يا هتبقي حلوة أو وحشة، لو وحشة مش مشكلة لو حلوة هطلبها للجواز، لو رفضت مش مشكلة لو وافقت هدفع لها مهر وشبكة وهتخلف عيال ياخدو فلوسي ويطلَّعو عيني، وعلى إيه أشرب عصير أحسن

اثنان بلدياتنا يلعبون الشطرنج

فقال الأول: قتلتلك الحصان فأستأذنه الثاني بضع دقاق و عندما عاد اليه قال: سممتلك البهايم كلها

جماعة بيحششوا ... فجت كبسه... كل واحد اسـتخبه في شوال جه الظابط
ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

مرة واحد انجليزى و واحد فرنساوى و واحد صينى راحو يجربو صدى الصوت
الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه؟؟؟

اتنين مساطيل راكبين عربية خبطوا واحد
فالسائق بيقول للى جمبه انزل شوفة مات
ولا لسة قاله السكران التانى تعالى يمين شوية..أيوه.. شمال شوية.. أطلع
قدام... بس كده مات

كل يوم النمر ينزل في الأرنب ضرب و يقول له إنت ودانك طويلة ليه. اشتكى
الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه أصفر
إضربه و قول له أنا عاوز جزر أحمر، و إذا جاب لك جزر أحمر إضربه و قول له
أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز
الجزر أصفر و لا أحمر.النمر نزل في الأرنب ضرب و قال له إنت ودانك طويلة ليه

مره الاسد و التعلب و الحمار و الفار ماشيين في الغابه قاموا وقعوا في حفره
كلهم ما عدا الحمار ، الاسد قال للحمار روح هات حاجه ناكلهاالحمار غاب 3 أيام
ورجع قال لهم مش لاقي حاجه الاسد قال له و ايه العمل الحمار قال لهم مفيش غير
انكم تاكلوا اصغر واحد فيكم على ما نلاقيلكم حل ، الاسد والتعلب بصوا قوي
للفار راح نافش نفسه و قايلهم بقول لكم ايه لو حد قرب للاسد هقطعه

مره واحد مسطول اوى راجع بيتهم الساعه اتنين بليل فاخته فتحت له
الباب قام ضربها بالقلم على وشها طاخ وقالها كنتى فين لحد دلوقتى.

مرة إتنين مساطيل راكبين عربية
فواحد قال للتانى : حاسب قدامك شجرة
فالتانى مردش عليه فعلى صوته شوية :.قدامك شجرة
برضه مردش عليه فقاله : حاسب قداااامك شجرررر .. طاخ
خبطوا فى الشجرة فطلع من العربية و قاله .. مش قلتلك قدامك شجرة ؟؟؟
فالتانى رد عليه : و أنا أعملك إيه مش إنت إلى سايق ؟؟؟

مرة واحد بلدياتنا بيقول لابوة انا عايز فتراك
الاب/لا لازم تتجوز بنت عمك
الابن/ يابا فتراك دى مربى
الاب/ لا برضة بنت عمك عسل
الابن / يابا فتراك دى برطمان
الاب / و بنت عمك بلاص

راح المعلم يشرح للتلاميذ فوائد النهوض مبكراً
وما يعطيه للجسم من قوة ونشاط . وضرب مثلاً بالعصافير والدود فالعصفورالذى يخرج مبكراً هو الذى يأكل الدودة وبعد ذلك طلب المعلم من أحد التلاميذ المعروفين بكسلهم أن يذكر ما فهمه من الشرح فأجاب التلميذ : الدودة التى تخرج باكراً تأكلها العصافير

مرة واحد محمل كتاكيت على عربية كرو فقابلة كشك مرور فسألة الظابط إية إلى معاك دة
قال لة دى كتاكيت يا باشا قلة الظابط بتإكلهم إية قلة درة وعلف ياباشا فضربة الظابط وألة أكلهم ترتة وجاتوة يامغفل قلة حاضر يا باشا فقابلة مرور ثان فسألة الظابط بتأكل الكتاكيت إية قلة ترتة وجاتوة ياباشا فضربة الظابط وألة أكلهم درة وعلف يامغفل قلة حاضر يا باشا فقابلة مرور ثالث فسالة الظابط بتأكل الكتاكيت إية ألة شوف ياباشا أنا بدى لكل واحد مصروفة وكل كتكوت يجيب إلى هو عايزه

تلاثة حكموا عليهم بالإعدام
معاهم واحد غبى، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الغبى، قالوا : المنشار الكهربائي أو الشنق، قال : شنق والناس وأقربائه يذعقو : المنشار ، المنشار ، المنشار قالهم بايظ مايشتغلش

واحدة سمراء لبست فستان أحمر وقالت لزوجها دلعني
قال لها: يا فحم إنت يا مولع !!